Welcome to tnhighways   Click to listen highlighted text! Welcome to tnhighways Powered By GSpeech

நெடுஞ்சாலை ஆராய்ச்சி நிலையம்

நெடுஞ்சாலை ஆராய்ச்சி நிலையம் 1954ம் ஆண்டு தோற்றுவிக்கப்பட்டது. 1956ம் ஆண்டு அன்றைய மேதகு சென்னை ஆளுநர் அவர்களால் அடிக்கல் நாட்டப்பட்டு 1957ம் ஆண்டு அன்றைய மாண்புமிகு தமிழக முதலமைச்சர் அவர்களால் நெடுஞ்சாலை ஆராய்ச்சி நிலையக் கட்டிடம் திறந்து வைக்கப்பட்டது. சாலை, பாலப்பணிகளில் பயன்படுத்தப்படும் பொருள்கள் மற்றும் நவீன தொழில்நுட்பத்திற்கான சோதனை மற்றும் ஆராய்ச்சிகள் மேற்கொள்வதும், சாலை மற்றும் பாலப்பணிகளில் தரக்கட்டுப்பாட்டுச் சோதனைகளை மேற்கொள்வதும் நெடுஞ்சாலை ஆராய்ச்சி நிலையத்தின் முக்கிய பணிகளாகும். நெடுஞ்சாலைத்துறையில் பணிபுரியும் பொறியாளர்களுக்கு தொழில்நுட்ப வழிகாட்டுதல்களைத் தேவைப்படும் போது வழங்கும் பணியையும் இந்நிறுவனம் மேற்கொள்கிறது.

தலைமைப் பொறியாளர் நிலையில் உள்ள இயக்குநர் அவர்களின் கீழ் ஓர் இணை இயக்குநர், 4 துணை இயக்குநர்கள் (ஆய்வகம்) மற்றும் 8 கோட்டப் பொறியாளர்கள் (தரக்கட்டுப்பாடு), ஆகியோர் நெடுஞ்சாலை ஆராய்ச்சி நிலையத்தின் பணிகளைக் கவனித்து வருகின்றனர்.

நெடுஞ்சாலை ஆராய்ச்சி நிலையத்தின் நோக்கம்:

அனைத்து வகைப் போக்குவரத்தும் “பாதுகாப்பாகவும், தரமாகவும், வேகமாகவும், சிக்கனமாகவும், வசதியாகவும்” நடைபெறும் வண்ணம் சாலைக் கட்டுமானத்தினை மேம்படுத்துவதே நெடுஞ்சாலை ஆராய்ச்சி நிலையத்தின் நோக்கம் ஆகும்.

நெடுஞ்சாலை ஆராய்ச்சி நிலையத்தின் பணிகள்:

  • நெடுஞ்சாலைத்துறையினரால் மேற்கொள்ளப்படும் சாலை, பாலப்பணிகளில் பயன்படுத்தப்படும் பொருட்களின் தரத்தினை உறுதி செய்வது.
  • நெடுஞ்சாலைத்துறையில் இயற்கை வளங்களைத் தேவையான அளவில் பயன்படுத்துவது பற்றிய தொடர்ச்சியான ஆராய்ச்சிகளை மேற்கொள்வது.
  • சாலைப் பணிகளின்போது அறியப்படும் தொழில்நுட்ப பிரச்சனைகளுக்கு தீர்வு காண்பது.
  • கண்டறியப்பட்ட சாலை விபத்து பகுதிகளை மேம்படுத்துவதற்கான வழிமுறைகளைத் தெரிவிப்பது மற்றும் சாலை சந்திப்பு மேம்படுத்துவது.
  • சாலை பாதுகாப்பு தணிக்கை மேற்கொள்வது.

நெடுஞ்சாலை ஆராய்ச்சி நிலையத்தின் செயல்பாடுகள்:

II. நடைமுறை பணிகள்

நெடுஞ்சாலை ஆராய்ச்சி நிலையத்தில் மண், கற்கலவை, நிலக்கீல், போக்குவரத்து ஆகிய ஆய்வகங்கள் சென்னையில் மிக நவீன கருவிகளுடன் செயல்பட்டு வருகின்றன. மேலும் விழுப்புரம், திருச்சி, தஞ்சாவூர், மதுரை, திருநெல்வேலி, சேலம், திருப்பூர், மற்றும் கோயம்புத்தூர் ஆகிய எட்டு இடங்களில் மண்டல ஆய்வகங்களும் செயல்பட்டு வருகின்றன.

நெடுஞ்சாலை ஆராய்ச்சி நிலையத்திற்குரிய வழக்கமான பணிகளான மண் மற்றும் பாறை மாதிh¨களை சோதனை செய்வது, பாலங்களுக்கான ஆழ்துளைத் தூண்களின் தாங்குதிறனைச் சோதனைச் செய்வது, கற்கலவை பணிகளைச் சேதமில்லாச் சோதனை முறையின் மூலம் சோதனை செய்வது, சிமெண்ட் மற்றும் இரும்புக் கம்பிகளைச் சோதனைச் செய்வது, நெகிழும், நெகிழாத சாலைக் கட்டுமானங்களை வடிவமைப்பது, கற்கலவை, நிலக்கீல் கலவைகளை வடிவமைப்பது, சாலை மேற்பரப்பின் ஓடுதளத்தில் உள்ள மேடுபள்ளங்களை அளப்பது, சாலைக் கட்டுமானத்தின் உறுதியை ‘பெங்கில்மென்பீம் டிஃப்லெக்ஷன்’ சோதனை மூலம் கண்டறிவது, போக்குவரத்து வாகனங்களால் ஏற்படும் பாதிப்பு மற்றும் வாகன சேதம் காரணிகள் ஆகியவற்றின் அடிப்படையில் சாலைக் கட்டுமானத்தை வடிவமைப்பது மற்றும் சாலை சந்திப்புகளை மேம்படுத்துதல் ஆகிய பணிகள் இந்த ஆய்வகங்களில் நடைபெற்று வருகின்றன.

II. ஆய்வக பணிகள்

  • நொறுக்கப்பட்ட கல்மணல் - (M-Sand)

    ஆற்று மணலுக்கு மாற்றாக நொறுக்கப்பட்ட கல் மணல், 2015 ஆம் ஆண்டு முதல் தமிழ்நாடு நெடுஞ்சாலைத்துறையில் பயன்படுத்தபட்டு வருகிறது. அந்தந்த வட்டங்களின் கண்காணிப்புப் பொறியாளர்கள் (நெ), கட்டுமானம் (ம) பராமரிப்பு பிரிவு மற்றும் கோட்டப் பொறியாளர் தரக்கட்டுப்பாடு பிரிவு தயாரிக்கப்படும் இடங்களை நேரில் ஆய்வு செய்து அதன் தரத்தினை உறுதி செய்த பிறகே நெடுஞ்சாலைத் துறையின் பல்வேறு பணிகளில் இம்மணல் பயன்படுத்தப்படுகிறது.

    வெர்டிகல் ஷாப்ட் இம்பேக்ட் (VSI) கிரஷர் முறையில் தயாரிக்கப்பட்டு மாறுபட்ட சதவீத 75 மைக்ரான் துகள்களையுடைய நொறுக்கப்பட்ட கல் மணல் மாதிரிகளைக் கொண்டு விரிவான ஆய்வு நெடுஞ்சாலை ஆராய்ச்சி நிலையத்தால் மேற்கொள்ளப்பட்டது. ஆய்வின் முடிவில், ஆற்று மணலை கற்கலவையில் பயன்படுத்தி அடையப்படும் 28 நாட்கள் அழுத்த தாங்கு திறனைவிட நொறுக்கப்பட்ட கல் மணலை பயன்படுத்தி அதிக தாங்கு திறன் பெறப்படுவதாக கண்டறியப்பட்டுள்ளது. இதுவரை 400க்கும் மேற்பட்ட கான்கிரீட் கலவை வடிவமைப்புகள் உருவாக்கி நெடுஞ்சாலைத்துறையின் பல்வேறு கட்டுமானப் பணிகளில் பயன்படுத்தப்பட்டு வருகிறது.

    SOILS LAB

    நொறுக்கப்பட்ட கல்மணலை பயன்படுத்தி வலுப்படுத்திய கற்கலவை உத்திரத்தை சோதனை செய்தல்
    (M-Sand)

    SOILS LAB

    நொறுக்கப்பட்ட கல்மணலை பயன்படுத்தி வலுப்படுத்திய கற்கலவை தாங்குதளத்தை சோதனை செய்தல்
    (M-Sand)

  • பழுதடைந்த பாலங்களை புதுப்பிக்க செய்வதற்கான தீர்வு நடவடிக்கைகள்

    பழுதடைந்த பாலங்களை புதுப்பிக்க செய்வதற்கான தீர்வு நடவடிக்கைகள் 2018 ஆம் ஆண்டில் பழுதடைந்த மற்றும் புதுப்பித்தல் தேவைப்படும் பின்வரும் பழைய பாலங்களை நெடுஞ்சாலை ஆராய்ச் நிலையம் குழு ஆய்வு செய்தது.

    1. திண்டிவனம் வழியாக செல்லும் பழைய தேசிய நெடுஞ்சாலை – 45 இன் கி.மீ. 123/2இல் உள்ள ROB - விழுப்புரம் (நெ), கட்டுமானம் (ம) பராமரிப்பு கோட்டம்.
    2. பெண்ணையாற்று பாலம் அணுகு சாலையில் (SHU-47) கி.மீ. 0/2ல் உள்ள பாலம் கள்ளக்குறிச்சி (நெ) கட்டுமானம் (ம) பராமரிப்பு கோட்டம்.
    3. காவிரி ஆற்றின் குறுக்கே முசிறி - குளித்தலை – பட்டுக்கோட்டை – ஆலங்குடி – பேராவூரணி – சேது பாவாசமுத்திர சாலையில் (SHU-71) கி.மீ 0/385 – 1/850 தந்தை பெரியார் பாலம் - கரூர் (நெ), கட்டுமானம் (ம) பராமரிப்பு கோட்டம்.

    பாலங்களின் பயன்பாட்டு காலம் மற்றும் உறுதியை மேம்படுத்துவதற்காக விரிசல்களை சீல் செய்தல், குனைட்டிங் / ஷாட்ரெட்டிங், பியரிங்குகளை மாற்றுவது எக்ஸ்பேன்ஷன் ஜாய்ன்டுகளை மாற்றுவது, தள மேற்பரப்புகளை பழுது நீக்குவது, ஆற்றுப் படுகைகளின் பாதுகாப்பு மற்றும் ஆற்றுக் கரைகளை உறுதிப்படுத்துதல் போன்ற உரிய தீர்வு நடவடிக்கைகள் பரிந்துரைக்கப்பட்டன.

  • நிலக்கீல் கலவையில் நிலக்கீல் சேர்க்கைப் பொருளின் தாக்கம் குறித்த ஆய்வு

    “நிலக்கீல் கலவையில் நிலக்கீல் சேர்க்கை பொருளின் தாக்கம் குறித்த ஆய்வு” நிலக்கீல் ஆய்வகத்தின் உள் ஆய்வாக 2018-19ல் மேற்கொள்ளப்பட்டது.

    சுடு நிலக்கீல் கலவையில் சேர்க்கைப் பொருளின் பயன்பாட்டின் கள செயல்திறனை கண்டறிய கி.மீ. 5/0 - 7/0 அவினாசி - திருப்பூர் - அவினாசிபாளையம் சாலை (சூழ 381) ல் ஆய்வு மேற்கொள்ளப்பட்டு வருகிறது.

    SOILS LAB

    உரிதல் சோதனைக்குப் பின் நீர் உறிஞ்சி சரளைக் கற்கள் மாதிரி

  • தமிழ்நாடு சாலை மேம்பாட்டு திட்ட அலகில் உள்ள சாலைகளுக்கான கடினத்தன்மை சோதனை

    தமிழ்நாடு சாலை மேம்பாட்டு திட்ட அலகின் வெளியீட்டு செயல்திறன் அடிப்படையிலான சாலை ஒப்பந்தத்தில் உள்ள சாலைகளுக்கு நெடுஞ்சாலை ஆராய்ச்சி நிலைய பொறியாளர்கள் முன்னிலையில் சாலை மேற்பரப்பின் ஒழுங்கின்மையை கண்டறிய கடினத்தன்மை சோதனை (சுடிரபாநேளள கூநளவ) நடத்தப்படுகிறது. சமீபத்தில், நாகப்பட்டினம் - தூத்துக்குடி சாலையில் கி.மீ 10/2 முதல் 102/0 வரை சாலை மேற்பரப்பின் கடினத்தன்மை சோதனை (சுடிரபாநேளள கூநளவ) நடத்தப்பட்டது.

    SOILS LAB
    SOILS LAB
    SOILS LAB

    கடினத்தன்மை சோதனை - நாகப்பட்டினம் - தூத்துக்குடி சாலையில் கி.மீ 10/2 - 102/0

  • சாலை சந்திப்பினை மேம்படுத்துதல்.

    சேலம் நகரில் வாகன மோதல்களை குறைக்க தேசிய நெடுஞ்சாலை - 7ல் (வாரணாசி - கன்னியாகுமரி சாலை) கி.மீ. 199/455 மற்றும் (பழைய தேசிய நெடுஞ்சாலை-7ல்) கி.மீ 199/2ல் கட்டப்பட்ட ஒருங்கிணைந்த மேம்பாலப் பணியில் குரங்குச் சாவடி சந்திப்பில் 35மீ விட்டம் உடைய வட்ட வடிவமான ரோட்டரி (சுடிவயசல) அமைக்கப்பட்டுள்ளது.

    SOILS LAB
    SOILS LAB

III. ஆராய்ச்சிப் பணிகள் :

தமிழ்நாடு அரசின் புத்தாக்க முன்முயற்சி நிதியின் கீழ் கீழ்க்கண்ட ஆராய்ச்சிப் பணிகள் மேற்க்கொள்ளப்பட்டது.

  1. நெடுஞ்சாலைத்துறையில் பாலத்தின் செயல்திறனை கருவிகள் மூலம் கண்காணித்தல்

    சிறிய நகர்வு, இழுவிசை, அதிர்வு மற்றும் வெப்பநிலை போன்ற தரவுகளைக் குறித்த உரிய தகவல்கள் கருவிகளைப் பயன்படுத்தி சேகரிக்கப்படுகின்றது. இது பாலங்களின் மறுசீரமைப்பு மற்றும் புதுப்பிக்க தேவையான முறைகள் மற்றும் அவற்றின் முன்னுரிமையை விஞ்ஞான ரீதியாக கண்டறிய உதவுகிறது.

    SOILS LAB

    தானியங்கி தரவு சேகரிக்கும் கருவி கொண்டு தரவு சேகரித்தல்

  2. வட்ட சோதனை தடத்தின் உதவியுடன் நீண்ட காலம் தாங்கக் கூடிய சாலைக் கட்டுமானத்திற்கான தொழில்நுட்பம் குறித்த ஆய்வு
    இந்த ஆய்வானது சாலையின் வடிவமைப்பை, வட்ட சோதனை தடத்தின் மூலமாக துரிதப்படுத்துவதற்கான வசதியாகும். நீண்ட காலம் தாங்கக் கூடிய சாலைக் கட்டுமானத்திற்கான வடிவமைப்பு மேற்கொள்ளுவதற்கு உரிய சுமையை இந்திய சாலை குழுமத்தின் வழிக்காட்டுதலை அடிப்படையாக கொண்டு தொழிற் நுட்ப வரையறைகளை பின்பற்றி கண்டறியப்படும். அதனுடைய வடிவமைப்பு காலம் வரை, சாலையில் நிகழும் பளு (அ) சுமையை இந்த வட்ட சோதனை அமைப்பின் மூலம் அதற்கான சுற்றுச்சூழல் நிலையை உருவாக்கி வடிவமைப்பு காலத்திற்காக துரிதப்படுத்தப்பட்ட சோதனைக்குட்படுத்தப்பட்டு உரிய அமைப்பைக் சாலையின் காலமுறை பராமரிப்பு செலவை குறைக்கும் படியான பொருத்தமான வடிவமைப்பு கண்டறிந்து பரிந்துரைக்கப்படும். இந்த ஆராய்ச்சி பணிகள் நடைபெற்று வருகிறது.

  3. உறுதி செய்யப்பட்ட துணை தளத்தின் (sub base) மீது அமைக்கப்பட்ட தார்ச்சாலையின் தண்மை குறித்த ஆய்வு

    நெகிழ்வு சாலையானது துணை தளம் (ளுரb யௌந), அடித்தளம் (யௌந) மற்றும் தார் தளம் ஆகிய மூன்று அடுக்குகளைக் கொண்டதாகும். இவ்வடுக்குகளின் பொறியியல் தன்மைகளை கொண்டு சாலை வடிவமைக்கப்படுகின்றது. தொழில் நுட்ப முன்னேற்றத்தின் காரணமாக, இந்த அடுக்குகளின் பொறியியல் தன்மைகளை மாற்ற இயலும். அடித்தளம் மற்றும் துணை தளத்தினை புதிய தொழில் நுட்பத்தினை பயன்படுத்தி இத்தளங்களின் உறுதி தன்மையை அதிகரிப்படுகிறதனால் நெகிழ்வு சாலைகளை குறைந்த செலவில் அமைக்க இயலும். நெடுஞ்சாலை ஆராய்ச்சி நிலையம் அதற்கான ஒரு முன் முயற்சியாக தாம்பரம் - சோமங்கலம் சாலையில் புதிய தொழில்நுட்பத்தை பயன்படுத்தி சாலையை அமைத்துள்ளது. தற்பொழுது இந்த சாலையின் செயல்திறனானது பல்வேறு தளபரிசோதனை மண்ணின் அடித்தளத்தில் ஏற்படும் அழுத்தத்தை அளவீடு செய்வதின் மூலமாக கண்காணிக்கப்பட்டுவருகின்றது.

    SOILS LAB

    பரிசோதனை தளம் - தாம்பரம் சோமங்கலம் சாலை கி.மீ. 2/4-2/8

    SOILS LAB

    பரிசோதனை தளம் - தாம்பரம் சோமங்கலம் சாலை கி.மீ. 4/8-5/8

    SOILS LAB

    கி.மீ. 5/4-5/6ல் சாலை அமைப்பதற்கு முந்தைய தோற்றம்

    SOILS LAB

    கி.மீ. 5/4-5/6 சாலையின் முந்தைய தோற்றம்

  4. நிலக்கீல் கலவையில் நுண்ணிய களிமண்ணின் தாக்கம் குறித்த ஆய்வு

    நுண்ணிய களிமண் பென்டோனைட் மற்றும் மாண்ட்மோரிலோணைட் வகை நுண்ணிய களிமண்களை சேர்க்கை பொருளாக தனித்தனியே வழக்கமாக நிலக்கீலுடன் சேர்த்து அதன் தன்மையில் ஏற்படும் உயரிய மாற்றம் மற்றும் நிலக்கீல் கலவையின் தன்மை மற்றும் செயல்திறன் கண்டறியப்பட்டது.

IV. பயிற்சி:

அனைத்து நிலையிலும் உள்ள நெடுஞ்சாலைத்துறை பொறியாளர்களுக்கு நெடுஞ்சாலைப் பொறியியலின் பல்வேறு அம்சங்களில் 2012ம் ஆண்டு முதல் பயிற்சிகள் தொடர்ச்சியாக வழங்கப்பட்டு வருகிறது.

  • புதிதாக தேர்வு செய்யப்பட்ட உதவிப் பொறியாளர்களுக்கான புத்தாக்கப் பயிற்சி

    தமிழ்நாடு அரசுப் பணியாளர் தேர்வாணையம் மூலம் புதிதாக தேர்வு செய்யப்பட்ட உதவிப் பொறியாளர்களுக்கு (2018 தொகுப்பு) சமீபத்தில் பயிற்சி வழங்கப்பட்டது. நெடுஞ்சாலைத்துறையின் பல்வேறு அலகுகளை சார்ந்த கைதேர்ந்த பொறியாளர்கள் விரிவுரைகளை வழங்கியதுடன், தங்கள் பரந்த அறிவையும், அனுபவங்களையும் பகிர்ந்து கொண்டனர்.

    SOILS LAB
    SOILS LAB
  • இந்திய தொழில்நுட்ப கழகம் சென்னையுடனான புரிந்துணர்வு ஒப்பந்தம் - சாலைப் பாதுகாப்பு தணிக்கை பயிற்சி

    இந்திய தொழில்நுட்ப கழகம் சென்னையுடன் புரிந்துணர்வு ஒப்பந்தம் கையெழுத்திடப்பட்டு, மேலும் சாலைப் பாதுகாப்பு தணிக்கைப் பயிற்சி 128 நெடுஞ்சாலைத்துறைப் பொறியாளர்களுக்கு 4 பிரிவுகளாக வழங்கப்பட்டது.

    SOILS LAB
    SOILS LAB
  • வாராந்திர தொழில்நுட்ப விரிவுரைகள்

    277 விரிவுரைகள் இதுவரை வழங்கப்பட்டுள்ளன. இதன் மூலம் சுமார் 9875 பொறியாளர்கள் பயனடைந்துள்ளனர்.

    SOILS LAB
    SOILS LAB
  • செய்தி மடல்:

    நெடுஞ்சாலை ஆராய்ச்சி நிலையம், துறைசார்ந்த முக்கிய நிகழ்வுகள் மற்றும் சாதனைகளை தொகுத்து காலாண்டிதழாக செய்தி மடல் வெளியிடப்பட்டு வருகிறது.

இந்திய சாலைக் குழுமத்தின் நெடுஞ்சாலை ஆராய்ச்சி நிலையத்தின் பங்களிப்பு:

கர்நாடகா மாநிலத்தில் பெங்களூருவில் 03.11.2017 முதல் 06.11.2017 வரை நடந்த 78 ஆவது இந்திய சாலைக் குழுமத்தின் ஆண்டு அமர்வில் இரண்டு தொழில் நுட்ப உரையாடல்களும், மகாராஷ்டிரா மாநிலத்தில் நாக்பூரில் 22.11.2018 முதல் 25.11.2018 வரை நடந்த 79 ஆவது இந்திய சாலைக்குழுமத்தின் ஆண்டு அமர்வில் ஒரு தொழில் நுட்ப உரையாடல் நெடுஞ்சாலை ஆராய்ச்சி நிலையத்தின் சார்பாக வழங்கப்பட்டது.

SOILS LAB
SOILS LAB

தரக்கட்டுப்பாடு:

நெடுஞ்சாலைத்துறைப் பணிகளின் தரத்தினை ஆய்வு செய்து அவற்றின் தரத்தை ஒவ்வொரு நிலையிலும் உறுதிப்படுத்திட மூன்று அடுக்கு தரக்கட்டுப்பாட்டு முறை செயல்படுத்தப்படுகிறது. வட்ட அளவில், எட்டு தரக்கட்டுப்பாட்டு கோட்டங்கள் இதற்காக அமைக்கப்பட்டுள்ளது. பணிகளின் ஒவ்வொரு நிலையிலும் தரக்கட்டுப்பாட்டுச் சோதனைகள் மேற்கொள்ளப்பட்டு பணிகளின் தரம் உறுதிப்படுத்தப்படுகிறது.

உறுப்பினர் :

நெடுஞ்சாலை ஆராய்ச்சி நிலைய இயக்குநர் கீழே உள்ள வாரியங்கள்/குழுமங்களில் நிர்வாக சபைக் குழு உறுப்பினராக உள்ளார்.

  • இந்திய சாலை குழுமம்
  • இந்திய சாலை குழுமத்தின் நெடுஞ்சாலை ஆராய்ச்சி வாரியம்
  • சாலை போக்குவரத்து நிறுவனம்

Feedback

Visitors Counter

001092563

Click here to watch Live Events

Last Updated: 22-02-2020
Click to listen highlighted text! Powered By GSpeech