Welcome to tnhighways   Click to listen highlighted text! Welcome to tnhighways Powered By GSpeech

முதன்மை இயக்குநர் அலுவலகம்

முதன்மை இயக்குநர் அலுவலகம், நெடுஞ்சாலைத்துறையின் நிர்வாகம், திட்டம், தரக்கட்டுப்பாடு, துறையின் நவீனமயமாக்கும் பணிகளைச் செய்யும் தகவல் தொழில் நுட்ப குழுமம் (IT Cell) மற்றும் நிறுவனத் திறன் மேம்பாட்டுடன் இணைந்த சாலைப் பாதுகாப்பு பணிகளை மேற்கொள்ளும் நிறுவனத் திறன் மேம்பாடு மற்றும் சாலைப் பாதுகாப்பு குழுமம் (ICERS Cell) ஆகியவற்றிற்கான பொறுப்புகளை உள்ளடக்கி, சிறப்பாக இயங்கி வருகிறது.

செயல்பாடுகள் :
  • நெடுஞ்சாலைத்துறையின் அனைத்து பணியாளர்களின் நிர்வாகம்.
  • நெடுஞ்சாலைத்துறையின் ஒட்டுமொத்த திட்டமிடுதல் மற்றும் வரவு செலவு திட்டம் தயாரித்தல்.
  • தகவல் தொழில்நுட்ப குழுமத்தின் மூலம் இ-பாதை தொடர்புடைய தொழில் நுட்பங்களை மேலாண்மை செய்தல்.
  • தமிழ்நாடு சாலை மேம்பாட்டு திட்டத்தின் ஒப்புதலின் கீழ் நிறுவனத் திறன் மேம்பாடு மற்றும் சாலை பாதுகாப்பு கூறுகளை நிறுவனத் திறன் மேம்பாடு மற்றும் சாலைப் பாதுகாப்பு குழுமத்தால் நடைமுறைபடுத்துதல் மற்றும் கண்காணித்தல்.
நிர்வாகம் :

இத்துறையின் நிர்வாகம் மற்றும் பணிபுரியும் அனைத்து பணியாளர்களின் பணியமைப்பு ஆகியவற்றிற்கான ஒட்டு மொத்தப் பொறுப்பு, முதன்மை இயக்குநர் அலுவலகத்தைச் சார்ந்ததாகும்.

நெடுஞ்சாலைத் துறையானது 1587 பொறியாளர்கள், 801 தொழில் நுட்பப் பணியாளர்கள், 4475 நிர்வாகம் மற்றும் அமைச்சு பணியாளர்கள் என மொத்தம் 6863 பணியாளர்களுடன் இயங்கி வருகிறது.

திட்டம் :

நெடுஞ்சாலைத் துறையின் பல்வேறு திட்டங்களுக்கான ஒட்டு மொத்தத் திட்டமிடல் மற்றும் நிதி ஒதுக்கீடு தொடர்பான பணிகள் செய்யப்படுகிறது.

சாலைகளின் தரத்தினை மேம்பாடு செய்வதற்கான பல்வேறு முன்மொழிவுகள் ஒப்புதலுக்காவும், செயல்படுத்துவதற்காகவும் அரசுக்கு அனுப்பி வைக்கப்படுகிறது.

துறையின் ஒட்டு மொத்தப் பணிகளின் முன்னேற்றம் மற்றும் செலவினங்கள் தொடர்ந்து கண்காணிக்கப்பட்டு, பணிகள் குறிப்பிட்ட காலக்கெடுவில் முடிக்க நடவடிக்கை எடுக்கப்படுகிறது. துறையின் செயல்திறனை மேம்படுத்தத் தேவையான அனைத்து முயற்சிகளும் முறைப்படுத்தப்பட்டு தேவையான மொழிவுகள் அரசின் ஒப்புதலுக்கு அனுப்பி வைக்கப்படுகிறது.

தரக்கட்டுப்பாடு :

மாநிலத்தில் செயல்படுத்தப்படும், நெடுஞ்சாலைத் துறையின் பணிகளின் தரக்கட்டுப்பாட்டுப் பணிகளை ஒட்டு மொத்தமாகக் கண்காணித்தல்.

தகவல் தொழில் நுட்பக் குழுமம் :

தமிழகத்தில் உள்ள சாலை வலையமைப்பு மற்றும் அதன் தொடர்புடைய உட்கட்டமைப்புகளை திறம்பட மேம்படுத்த இ-பாதை (திட்டம்,நிர்வாகம்,போக்குவரத்து,நெடுஞ்சாலை உடைமைகள் மற்றும் தகவல் மேலாண்மை அமைப்பு) என்னும் கீழ் கண்ட மென்பொருட்களை உள்ளடக்கிய அமைப்பினை தகவல் தொழில் நுட்பக் குழுமத்தால் பராமரிக்கப்பட்டு வருகிறது.

  • சாலை பராமரிப்பு மற்றும் மேலாண்மை அமைப்பு (RMMS)
  • புவியியல் தகவல் அமைப்பு (GIS)
  • ஒருங்கிணைந்த திட்டம்,மனித வளம் மற்றும் நிதி மேலாண்மை அமைப்பு (P&FMS)

‘e-பாதை’ மென்பொருளில் சாலை பணிகளை சிறந்த முறையில் முன்னுரிமைப்படுத்த சாலை பராமரிப்பு மற்றும் மேலாண்மை அமைப்பு (RMMS) உருவாக்கப்பட்டுள்ளது. இந்த மென்பொருளில், இது வரை மாநிலச்சாலைகள் மற்றும் மாவட்ட முக்கிய சாலைகள் ஆகியவற்றின் தகவல்கள் பதிவேற்றம் செய்யப்பட்டுள்ளன. தற்பொழுது இவ்வமைப்பு மாவட்ட இதர சாலைகள் மற்றும் கரும்புச் சாலைகளின் தகவல்களையும் பதிவேற்றம் செய்யும் வகையில் பயனாக்கம் செய்யப்பட்டு உள்ளது.

‘e-பாதை’ பயன்பாட்டு மென்பொருளின் மற்றொரு அம்சமான புவியியல் தகவல் அமைப்பானது (GIS), சாலை பராமரிப்பு மற்றும் மேலாண்மை அமைப்பின் மூலம் பராமரிக்கப்பட்டு வரும் சாலைகளின் புவிவெளி சார்ந்த பண்புகளைக் (Spatial Data) காண உதவுகிறது. நவீன பயன்பாடுகளின் (Applications) உதவியுடன், GIS அமைப்பானது நேரடியாக சாலை பணிகள் நிகழும் இடங்களில் இருந்து தகவல்களை கைபேசி பயன்பாடு (Mobile Apps) மூலமாக பெறும் வகையில் மேம்படுத்தப்பட உள்ளது.

நெடுஞ்சாலைத் துறையில் மாநிலம் முழுவதும் கணினிமயமாக்குதலை செயல்படுத்தி, மனித ஆற்றல் சார்ந்தப் பணிகளான திட்ட மேலாண்மை, நிதி மேலாண்மை, மேம்படுத்தப்பட்ட தகவல் தொடர்பு, பணியாளர் தகவல் பதிவு அமைப்பு, திட்டக் கண்காணிப்பு, அலுவலக மேலாண்மை ஆகிய பணிகளை துரிதப்படுத்தும் வகையில் ‘திட்டம், மனித வளம் மற்றும் நிதி மேலாண்மை அமைப்பு’ (P&FMS) உருவாக்கப் பட்டுள்ளது.

தகவல் மற்றும் தொலை தொடர்பு நெறிமுறைகள் (ICTS) - G.O - இங்கே சொடுக்கவும்
நிறுவனத் திறன் மேம்பாடு மற்றும் சாலைப் பாதுகாப்பு குழுமம்
நிறுவன திறன் மேம்பாடு :

துறைக்குள் மற்றும் பிறதுறைகளுக்கு இடையிலான ஒருங்கிணைப்பு மற்றும் தமிழ்நாடு சாலை மேம்பாடு திட்டத்தின் நிறுவன திறன் மேம்பாடு மற்றும் சாலைப் பாதுகாப்பு கூறுகளை செயல்படுத்துதல் ஆகிய பணிகளுக்காக நிறுவனத் திறன் மேம்பாடு மற்றும் சாலைப் பாதுகாப்பு குழு தோற்றுவிக்கப்பட்டுள்ளது.

இத்துறையின் திறன் மேம்பாட்டுக்கான இலக்கினை அடைய 17 துணை பணிகள் கண்டறியப்பட்டுள்ளன. தெரிவு செய்யப்பட்டுள்ள துணைப் பணிகளில் முக்கியமானவைகள் கீழ் கொடுக்கப்பட்டுள்ளன.

  • செயல்படுத்தப்படும் திட்டங்களின் நிலை குறித்து அறிய சாலை பயன்படுத்துவோரிடமிருந்து கருத்துக்களை பெறுவதற்கு கணக்கெடுப்பு (RUSS).
  • மின் ஆளுமை தொடர்பான செயல்பாடுகள் நடைமுறைப்படுத்த, தற்பொழுது துறையின் பயன்பாட்டிலுள்ள கையேடுகள், விதிமுறைகள் மற்றும் ஆவணங்களை வரைமுறைப்படுத்துதல் ஆகியவற்றின் மூலம் துறை சிறப்பாக செயல்பட செயல்முறை மறுகட்டமைப்பு பணிகளை மேற்கொள்ளுதல்.
  • நிலம் கையகப்படுத்தும் பணிகளை எளிதாக்கவும், துறையின் கட்டுப்பாட்டில் உள்ள சாலை மற்றும் தொடர்புடைய கட்டமைப்புகளை பாதுகாக்கவும், தமிழ்நாடு நெடுஞ்சாலைகள் சட்டம், 2001 ஐ தனித்து செயல்படுத்தப்படக்கூடிய சட்டமாக திருத்தம் செய்தல்.
  • தற்போதைய தேவைக்கேற்ப, துறையின் உபயோகத்தில் உள்ள சாலை பராமரிப்பு மற்றும் மேலாண்மை அமைப்பு (RMMS), திட்டம், நிர்வாகம் மற்றும் நிதி மேலாண்மை அமைப்பு (P&FMS) மற்றும் புவியியல் தகவல் அமைப்பு (GIS) ஆகியவற்றை உள்ளடக்கிய ‘e-பாதை’ அமைப்பை ஆய்வு செய்து மேம்படுத்துதல். இதன் மூலம் தற்பொழுது பயன்பாட்டில் உள்ள சில அலுவலக நடைமுறைகளை கணினி மூலம் செயல்படுத்த இயலும்.
  • பயிற்சிக்கான தேவைகள் குறித்து ஆய்வு செய்து, அதனடிப்படையில் பயிற்சி அட்டவணை தயாரித்தல் மற்றும் பயிற்சியை தொடர்ச்சியாக வழங்க தேவையான வளங்களை திரட்ட தேவையான பரிந்துரைகளை வழங்குதல்.
  • துறையை வலுப்படுத்துதல், மின்-நூலக அமைப்பை உருவாக்குதல் மற்றும் நவீன வகுப்பறைகள் அமைத்தல் போன்ற பணிகள் திட்டமிடப்பட்டுள்ளன.
சாலை பாதுகாப்பு கூறு :

சாலை விபத்தினால் நிகழக் கூடிய சமூக பொருளாதார விளைவுகளை கருத்தில் கொண்டு அரசு, சாலை பாதுகாப்பு சூழலை மேம்படுத்த சம்பந்தப்பட்ட அனைத்து துறைகள் மூலம் இணைந்து செயல்படுத்தி வருகிறது. சாலை பாதுகாப்பை மேம்படுத்த நெடுஞ்சாலைத் துறையில் உலக வங்கியின் நிதி உதவியுடன் செயல்படுத்தப்படும் தமிழ்நாடு சாலை மேம்பாட்டு திட்டம்-ஐஐ ன் கீழ், ஒருங்கிணைந்த திட்டம் ஒப்புதல் அளிக்கப்பட்டுள்ளது.

சாலை பாதுகாப்பு கூறின் கீழ், மாநில அளவில் புதிய உத்திகளை திட்டமிடல், சாலை பாதுகாப்பு கொள்கையை புதுப்பித்தல் மற்றும் சாலை பாதுகாப்பு பணிகளை தொடர்சியாக செயல்படுத்துவதற்கான நிதி ஒதுக்கீடு ஆகிய பணிகள் உள்ளடங்கும். போக்குவரத்து, காவல், சுகாதாரம், கல்வி மற்றும் பொறியியல் துறைகள் உள்ளிட்ட அனைத்து சாலை பாதுகாப்பு தொடர்புடைய நிறுவனங்களின் பங்களிப்புடன் சாலை பாதுகாப்பை மேம்படுத்த திட்டமிடப்பட்டுள்ளது.

சாலை பாதுகாப்பு தணிக்கை, சர்வதேச சாலை நிலை குறித்த மதிப்பீடு (iRAP) ஆகிய ஆய்வுகளை மேற்கொள்ளவும், மாதிரி சாலை பாதுகாப்பு திட்டங்களை வடிவமைக்கவும், மாநில அளவிலான முயற்சிகளான சாலை பாதுகாப்பு கொள்கைகளை வரையறுத்தல், திட்டமிடல் மற்றும் தொடர்புடைய அனைத்து துறைகளுக்காக முதலீட்டு தேவைகளை பரிந்துரைத்தல் ஆகியவற்றை மேற்கொள்ள ஒரு மேலாண்மை ஆலோசகரை நியமிக்க உத்தேசிக்கப்பட்டுள்ளது.

சாலைப் பாதுகாப்பு வரைமுறைகள் :

பொறியியல் சார்ந்த நடவடிக்கைகள் மூலம் சாலை விபத்து பகுதிகளை கண்டறிந்து நீக்குவதற்காக வரைமுறைகள் வகுக்கப்பட்டு பொறியியல் குழுக்கள் மூலம் நடைமுறைபடுத்த வழிவகை செய்யப்படவுள்ளது. கள அளவில் கோட்டப்பொறியாளர் (கட்டுமானம் மற்றும் பராமரிப்பு) மற்றும் கோட்டப்பொறியாளர் (ஆய்வு) ஆகியோரை கொண்ட குழு ஆய்வு செய்து தகுந்த பொறியியல் மேல் நடவடிக்கைகளை பரிந்துரை செய்யும். வட்ட அளவில் கண்காணிப்புப் பொறியாளர்கள் (கட்டுமானம் மற்றும் பராமரிப்பு) சாலை விபத்துகளின் விவரம், பொறியியல் குறைபாடுகள் காரணமாக ஏற்படக்கூடிய அச்சுறுத்தல் ஆகியவற்றை கருத்தில் கொண்டு கள பொறியியல் குழுக்களிடமிருந்து பெறப்பட்ட கருத்துருக்களை ஆய்வு செய்து முன்னுரிமைப்படுத்துவர். கண்காணிப்புப் பொறியாளர் (கட்டுமானம் மற்றும் பராமரிப்பு) அவர்களின் முன்னுரிமைப் படுத்தப்பட்ட கருத்துருக்களை முதன்மை இயக்குநர் (நெ), தலைமைப்பொறியாளர் (கட்டுமானம் மற்றும் பராமரிப்பு) மற்றும் இயக்குநர், நெடுஞ்சாலை ஆராய்ச்சி நிலையம் ஆகியோர் கொண்ட குழு கூர்ந்தாய்வு செய்து, தேர்தெடுக்கப்பட்ட பணிகளுக்கான கருத்துருவை தக்க திட்டங்களின் கீழ் நிர்வாக ஒப்புதல் பெற அரசுக்கு பரிந்துரை செய்யும்.

பயிற்சி :

துறைப் பணியாளர்களின் அறிவு, செயல்திறன், பொது நோக்கு ஆகியவற்றை மேம்படுத்திக் கொள்வதற்கு பயிற்சி தேவைப்படுகிறது. புணிகளை திட்டமிடுதல், நில அளவை, தரக்கட்டுப்பாடு, வடிவமைப்பு மற்றும் ஆய்வு, போக்குவரத்து மேலாண்மை மற்றும் சாலை பாதுகாப்பு ஆகிய பணிகளில் சிறப்புத் தேர்ச்சி பெறுவது இன்றியமையாதது. எனவே,

  • வெளி நிறுவனங்களான இந்திய தொழில்நுட்ப நிறுவனம் (IIT), மத்திய சாலை ஆராய்ச்சி நிறுவனம் (CRRI), இந்திய நெடுஞ்சாலைப் பொறியாளர்களின் கழகம் (IAHE) ஆகியவற்றால் நடத்தப்படும் சிறப்பு பயிற்சி இத்துறை பொறியாளர்களுக்கு அளிக்கப்படுகிறது.
  • ஈரோடு மாவட்டத்தில், பவானிசாகர் பயிற்சி நிலையத்தில் அளிக்கப்படும் அலுவலக நிர்வாகம் சம்பந்தப்பட்ட பயிற்சி, அமைச்சுப் பணியாளர்களுக்கு 30 நாட்களுக்கு வழங்கப்பட்டு வருகிறது.

Feedback

Visitors Counter

000784226

Click here to watch Live Events

Last Updated: 20-09-2019
Click to listen highlighted text! Powered By GSpeech